Abenduaren 21ean Javier Muguruza, idazle  eta abeslari famatua, gure eskolara etorri zen . Bere liburua "Jon eta zaldiak" LH1, LH2 eta LH3 aurkeztu zuen. Irakurle txiki hauek, pozik hartu zuten parte hitzaldi honetan. Batzuk liburua gelan irakurrita zeukaten aurretik eta galdera mordoa prest zituzten. Oso idazle majua da Javier eta saiatu zen den-dena erantzuten. Batzuk komentatzen zuten istorio triste xamarra zela.Beste batzuek hunkigarria zela. Ados egon ziren oso ipuin errealista zela esan zenean eta gaur egungo arazoak bertan argi agertzen direla.Eskerrik asko Javier gurekin egoteagatik eta jarraitu  guretzako istorio politak asmatzen eta idazten!

Talde eragilea. 

Aurten Euskal Herriko parke naturaletatik ibiliko gara eta bertako basoak ikusiko ditugu. Adibidez: Urkiola, Gorbeia, Izki, Balderejo, Urbasa, Pagoeta, Aralar, Aizkorri eta Irati.Hemen daukazue gure aurkezpena

Pasa den ostegunean, gure lehenengo bidaia egiten hasi ginen.

Lazkao Txiki eta Txanogorritxu dira gure laguntzaileak. Talde eragilekoek, Txanogorritxuren bertsio oso, oso, oso berezi bat egin zuten eta Lazkao Txikiren bertso batzuk bota zituzten. Barre asko egin genituen gure amonatxoa ikusita! Kar, kar, kar!!

6. mailako Maider A. eta Maider B.

Hemen gaude bai!Batzuk indio,pelotari edo cow boy besteok karibetar,tangista edo artzain. Euskaldunok denetarik egin dugu Amerikan eta horregatik gure aztarnak utzi ditugu bertan.Hau gure Eskolako patioa da eta bertan gure lana eta izerdia utzi dugu ere!

Azken froga heldu da! Eskolako jairako Amerikako dantzak, antzerkiak eta kantak ikasi, asko entsaiatu eta dotore eta txukun ekainaren 19an guraso guztien aurrean aurkeztu behar ditugu.Lana , urduritasuna, errieta bat edo bi entzun behar, baina...ze ondo pasatzen dogun egun horretan!

Goizeko hamarretan Eskolan egon behar gara eta ondoren hemen daukazue egun horretako egitaraua:

-10:30etan Euskaldunak Amerikan ikuskizuna.

• 1.maila: ¨Sioux taldea basamortutik¨antzerkia.

• 2.maila: Nikaraguako erritmoa.
• 1.eta 2. maila:¨Euskaldunak gara¨ abestia eta dantza.
• 3.maila: Argentinako tangoa dantzatzen.
• 4,5 eta 6.mailak:Cow boy dantzak.
• HHko 3,4 eta 5 urtekoak:Euskal artzainak eta pelotariak Amerikan.

-11:30etan Aerobic erakustaldia.

-12:30 etan Puzgarriak, jokoak eta tailerrak.

-14:30etan Herri Bazkaria.

-16:00 Puzgarriak eta jokoak.

-18:00 Erromeria ¨Txanogorritxu Rock.

-17:30 Ustekabea !! txikientzat.

ONDO PASA ETA FORMAL IBILI!

 Froga guztiak apurka-apurka bagoaz betetzen, aste honetan komiki bat asmatzea tokatu zaigu.

Asterixen tripean klikeatu eta... zer egongo da barruan?

Bai bidaiari ausartak hiruhilabete honetan Amerikara goaz! Ipar Amerikara,Ertamerikara eta Hego Amerikara.Jakin dugu, gure irakasleak horrela azalduta, gure arbasoak ere Amerikara joan zirela lan bila. Euskaldun asko artzain, pilotari, "vaquero"... edo abenturazale joan ziren XIX eta XX.mendeetan Amerikara.

 Gu ez goaz lan bila, baina lan ederra  egin beharko  dugu Amerikara heltzeko: euskara parra-parra egin, froga guztiak ondo bete, lan txukunak egin ... eta garrantzitsuena dibertitu eta gozatu!

Bidai honetarako lagun ausartak eta jatorrak aukeratu ditugu. Nortzuk? ASTERIX ETA OBELIX, bai horixe! Baina... eta nola joan? Ba, talde bakoitzak bere urpekaria prestatu eta margotu  du.Prest bagaude ABANTE!

Pasa den ostiralean, martxoak 6,  5. eta 6.mailako neska- mutilak Marijerekin,  Heziketa Fisikoko irakaslea,  Deriora joan ginen trenez. Herri Kirolen erakusketa bat ikusi genuen. Han Iñaki deitutako mutil batek azaldu zigun Euskal Herriko herri desberdinetako kirolak nolakoak ziren eta zer nolako tresnak erabiltzen ziren. Ondoren bideo bat ikusi genuen horri buruz. Oso ondo pasatu eta asko ikasi genuen.

ANIMA ZAITEZTE ERAKUSKETA IKUSTERA!!!!!!

5. eta 6. mailakoek

Aste honetan , martxoak 6, Yolanda Arrieta idazlea egon da gurekin. Sentikortasunaz eta irudimenaz baliatuz, "Denboraren kanta kontuak" liburua aurkeztu zigun. Urtaroak, hilabeteak, egunak, egunaren atalak eta orduak azaldu zizkigun modu erraz eta jatorriaz. Testu poetiko horretan, denbora- ideia bera natura eta eguneroko eginkizunekin lotuta agertzen da beti.

Pasa den ostiralean , otsailak 20, Zamudioko Eskolan inauteriak ospatu genituen. Haur hezkuntzakoak txino mozorrotuta joan ziren eta eskola osoa txino txikiz beteta geratu zen: urdinak, horiak, berdeak eta gorriak.

Lehen eta bigarren mailakoak eskimal mozorrotu ziren. Iglu dotorea eta pankarta polit bat prestatu zuten: Zamudioztarrok Ipar polora goaz! Dantza izugarri martxosoa egin zuten "Agur Euskal Herria" abestiarekin.
3.mailakoak rockero eta pijo mozorrotu ziren, "Esaidazu" abestia dantzatu eta kantatu zuten.

Azkenik 4., 5. eta 6.mailakoak rapero mozorrotu ziren eta benetako raperoen itxura zuten, Selektah Kolektiboaren abesti batekin, izugarrizko dantzak egiten hasi zirenean.

Herriko kaleetatik Euskal Inauterien dantzak dantzatu genituen . Gero, eskolara bueltatu ginenean, txokolate gozoa edan eta guk asmatutako koreografiak aurkeztu genituen guraso guztien aurrean. Denok primeran pasatu genuen!!

Andereño bat Paris Hiltonen jantziekin mozorrotuta joan zen eta ia inork ez zuen ezagutu!!!

Froga dibertigarri honekin Antzokiz-antzoki bidaiarekin bukatu genuen. Aste Santuko oporrak eta gero bidai berriarekin hasiko gara!Aurrera bidaiari ausartak!(Talde eragilea)

Gure eskolan txitak jaio dira. Orain dela hogeita hiru egun inkubadoran jarritako hamazortzi arrautzetatik sei txita jaio ziren:Hodeitxo, Horitxo, Kattalin, Izartxo, Ilargi eta Eguzki.Poxpolinen arrautzak ere izan genituen, baina zoritxarrez ez ziren jaio. Lehenengo mailako gelan ditugu txita zaratatsuak baina harrigarria bada ere azalpenak entzun eta oso formal daude. Jadanik pixka bat hasi dira. Gora gure txitak!

Handiak egiten direnean Inmaren baserrira eramango ditugu, bertan leku aproposagoa izango dute eta. Ama eta aita oso onak izan gara eta egunero janari-edaria eman eta kaiola garbitu dugu. Euskera piloa entzun dute eta euskaldun peto-petoak dira. Ez dute pio-pio esaten, ez, gureek txio-txio esaten dute.

Zoriontsuak izan txita maiteak!