Hona hemen, liburu egunean Zamudioko liburutegian egin genuena, ondo pasa gure ipuinarekin!

Liburuaren egunean Zamudioko liburutegian hiru ipuin antzeztu genituen Kamishibai teknika erabiliz. Ondo pasa genuen eta asko gustatu zitzaizkigun 6. mailakoek egindako ipuinak. Orain hemen daukazue HARRI ipuina, nahi duzuenean patxadaz berriro ikusi ahal izateko.

Gaur liburuaren eguna da. UNESCO erakundeak orain dela urte batzuk data hau aukeratu zuen Miguel de Cervantes eta William Shakespearen idazleen heriotzaren oroimenez.

Guk  herriko liburutegian ospatuko dugu eta lehiaketa batetan parte hartu dugu. Oraindik ez dakigu zeinek eramango duen sari zoragarria.

Liburuen egunean sari ederrena ipuinak irakurtzea da . Hemen dago, zuretzako, gure oparitxoa egun honetan.

• Maddiren erlojua
• Ahateak eta dordoka
• Ardiak eta belarra
• Barbantxo
• Bizitzaren muga
• Egia da!
• Eguzkia nola agertu zen
• Ipuin zerrenda: hemen

Koloretsua, alaia eta zoragarria da gure kotxe maitea. Hippya eta rokanroleroa benetan gure makina ederra.Prest gaude ipuinen mundura hegaz joateko  kotxe honetan.

Bagoaz denok batera!!!!!

Hau da hau gure taldeko makina ederra. Beldurkumea da bere izena eta guretzako ez dago tramankulu ederragorik mundu guztian barrena. Azkarra ez da, baina bai polita eta trebea.

Agur, bagoaz ipuinen mundura!!!!!!!!!!!

Guk ere gure kotxe magikoa dugu.

Gorri-gorria eta azkarra, hau da gure kotxe hegalaria. Kalabaza du izena guztiok bere barruan sartzen garelako.Izen ederra eta itxura xelebrea ipuinen mundura joateko.

Ipuin mundura joateko hau da gure taldeak erabiltzen duen kotxe hegalaria

Ez da Harry Potterrena baina erosoa, alaia eta 5.Mailako koadrilla osoa bertan joateko aproposa benetan!

Laster Kamishibai sistema ikasteko aukera izango dugu Zamudioko udal liburutegia eta eskolaren arteko lanari esker.

Seigarren mailakoak liburutegira hurbilduko gara eta istorio batzuk asmatu ondoren kamishibai sistemara egokituko ditugu.

Egun hauetan egindako lana eskolako txikien aurrean aurkertuko dugu apirilaren 23an, Nazioartean liburuaren egunean, herriko liburutegian.

Kamishibai Japonian sortu zen duela 70 urte inguru, 1930eko hamarkadan, eta azken hamar urteotan hedatu da bereziki. Japonian kamishibai-aren teorian sakondu dute eta azkar ari da zabaltzen. Kamishibai-aren artea oso hedatuta dago Asiako hainbat herritan; esate baterako Vietnamen eta Laosen. Ameriketan, bereziki Amerikako Estatu Batuetan hedatu da eta Europan Frantzian, Alemanian, Suitzan, Herbeheretan eta orain, Euskal Herrian. Eta hemendik gutxira, Zamudioko Eskolan!

Kamishibai hitzak paperezko antzezlana esan nahi du japonieraz, (Kami=papera) eta bertako tradiziotik datorren ipuinak kontatzeko modu bat da.

Gehiago jakiteko sakatu honen gainean: kamishibai